Sunday, May 26, 2024

General line - 0115112241

විග්නේශ්වරන්ට එරෙහිව වවුනියාවේ විරෝධතා (PHOTOS)




ජාතිවාදය අවුස්සමින් ව්‍යවස්ථා විරෝධිව කටයුතු කටයුතු කරන උතුරු පළාත් ප‍්‍රධාන අමාත්‍ය සි.වි.විග්නේශ්වරන් මහතා වහාම අත්අඩංගුවට ගන්නා ලෙස ඉල්ලා උතුර රකින රට සුරකින ජාතික බලවේගය සංවිධානය අද(30) වවුනියාව නගරයේදි විරෝධතාවයක නිරතවුණා.

විරෝධතාවයට එක් වු උතුරු පළාතේ නැවත පදිංචි කළ සිංහල ගම්මානයන්ගේ ජනතාව පැවසූවේ උතුරු පළාත තුළ නැවත ජාතිවාදි අදහස් වපුරවමින් ව්‍යවස්ථාට පටහැනිව ක‍්‍රියාකරන උතුරු පළාත් ප‍්‍රධාන අමාත්‍යවරයා, පාර්ලිමේන්තු මන්ත‍්‍රී ධර්මලිංගම් සිද්ධාර්ථන් ඇතුළු කණ්ඩායම වහාම අත්අඩංගුවට ගෙන දඩුවම් ලබාදිය යුතු බවයි.

ඔවුන් වැඩිදුරටත් පැවසූවේ උතුරේ ප‍්‍රධාන අමාත්‍යවරයා උතුරු පළාතේ ජිවත්වන සිංහල ජනතාව නොසළකා කටයුතු කරමින් සිටින බවයි.

විරෝධතාවට එක් වු උතුර රකින රට සුරකින ජාතික බලවේගය සංවිධානයේ කැඳවුම්කරු නන්දසේන වීරසිංහ මහතා පැවසූවේ උතුරු පළාතේ පිහිටුවා ඇති යුධ හමුදා කඳවුරු ඉවත් නොකිරීම, උතුරු නැගෙනනහිර ඒකාබද්ධ කොට ෆෙඩරල් පාලනයක් ස්ථාපිත නොකිරීම, උතුරු පළාතේ බෞද්ධ විහාරස්ථාන හා බුදු පිළිම ආරක්ෂා කිරීම, නැවත පදිංචි ගම්මානයන්ගේ ජනතාව වෙත ආරක්ෂාව ලබාදීම, උතුරේ නැවත පදිංචි කළ ගම්මානයන්ගේ ජනතාව ජිවත්වන ඉඩම් වෙත කඩිනමින් ඉඩම් බලපත් ලබාදීම, උතුරේ ජනතාවට ප‍්‍රයෝජනයක් නොමැති, ජාතිවාදි අදහස් වපුරවන ස්ථානයක් වන උතුරු පළාත් සභාව විසුරුවා හැර බලය ආණ්ඩුකාරවරයා වෙත පවරාදීම, උතුරේ නැවත පදිංචිකළ ජනතාවගේ කාර්යයන් මධ්‍යම ආණ්ඩුව වෙත පවරා ගැනීම, සීමා නිර්ණය කිරීම තුළින් සිදුවන අසාධාරණකම් නවතාලීම ආදි ඉල්ලීම් ගණනාවක් ඉල්ලීම් කරමින් විරෝධතාවය පැවැත්වු බවයි.

වවුනියාව උමාමහේශ්වරන් මංසන්ධිය ආසන්නයෙන් මෙම විරෝධතාවය ආරම්භ කරනු ලැබු අතර, වවුනියාව මාර්ග පුරා ගමන් කරමින් සිය විරෝධතාවයේ නිරතවුණා.

විරෝධතාකරුවන් පැවසූවේ සිය ඉල්ලීම් ඉදිරිපත්කරමින් සංදේශයක් ජනාධිපතිවරයා,අගමැතිවරයා, උතුරු පළාත් ආණ්ඩුකාරවරයා, පොලිස්පතිවරයා වෙත යොමු කිරීමට කටයුතු කරන බවයි.

විරෝධතාවය වෙනුවෙන් උතුරු පළාතේ විහාරස්ථානයන්ගේ නායක ස්වාමීන්වහන්සේලා, රාවණා බලය සංවිධානයේ නියෝජිතයින්, උතුරු පළාතේ නැවත පදිංචි ගම්මානයන්ගේ ජනතාව, සිවිල් සංවිධාන නියෝජිතයින්, ප‍්‍රදේශවාසීන් ඇතුළු විශාල පිරිසක් සහභාගි වි සිටි බවයි නෙත් නිවුස් වාර්තාකරු පැවසුවේ.

protest-www-nethnews-lk00001 protest-www-nethnews-lk00002 protest-www-nethnews-lk00003 protest-www-nethnews-lk00004 protest-www-nethnews-lk00005 protest-www-nethnews-lk00006 protest-www-nethnews-lk00007 protest-www-nethnews-lk00008

14484956_573933792798179_112868647288590302_n 14469633_573933852798173_7932923277262074127_n 14520394_573933892798169_2456397734539903559_n 14446130_573933922798166_7953517033702365278_n 14463211_573933772798181_1728906465597208295_n 14494848_573939142797644_1341478411745132111_n 14440906_573938822797676_1896860142400290830_n 14484930_573938636131028_581068888230980860_n