මඩකලපුව මංගලාරාම විහාරස්ථානයේ පැවැත්වෙන පිංකමක් සඳහා සහභාගීවීමට යමින් සිටි බෞද්ධ සංවිධාන කිහිපයක භික්ෂූන් වහන්සේ ඇතුළු පිරිසක් පොලිසිය විසින් අවහිර කර තිබෙනවා.
මෙම පිරිස දුම්රිය මාර්ගයක් හරස් කරමින් උද්ඝෝෂණයක යෙදී සිටි අතර පොලිසිය ඔවුන් විසුරුවා හැරීමට උත්සහ කළේ ද එහිදීයි.
නෙත් නිවුස් වාර්තාකරු වසන්ත චන්ද්‍රපාල පැවසුවේ මේ වන විටත් එම පිරිස මඟ රැදී සිටින බවයි.
මංගලාරාමාධිපති අම්පිටියේ සුමනරත්න හිමියන් පූනානි ප්‍රදේශයට යාමට උත්සහ කිරීමේදී පොලිසිය විසින් අවහිර කිරීමත් සමග උණුසුම්කාරී තත්ත්වයක් ඇතිවුණු බවත් ඔහු පැවසුවා.
මඩකලපුව මංගලාරාම විහාරස්ථානය ආසන්නයේ ද පොලිස් රැකවල් යොදා තිබෙනවා.
