මදුරුවන් බෝවන ස්ථාන පවත්වාගෙන යනු ලබන පුද්ගලයින්ගෙන් අය කරනු ලබන දඩ මුදල රුපියල් විසිපන් දහස දක්වා වැඩි කිරීමට අවධානය යොමුව ඇතැයි සෞඛ්‍ය අමාත්‍ය රාජිත සේනාරත්න පවසනවා.
අමාත්‍යවරයා පෙන්වා දෙන්නේ ඊට අදාළ යෝජනාව තමන් රජයට ඉදිරිපත් කර ඇති බවයි.
ගම්පහ දිස්ත‍්‍රික්කයේ ඩෙංගු මර්දන කටයුතුවල ප‍්‍රගතිය විමසා බැලීම සඳහා ගම්පහ සෞඛ්‍ය සේවා අධ්‍යක්‍ෂ කාර්යාලයේ පැවති රැස්වීමකට එක්වෙමින් අමාත්‍යවරයා මේ බව කියා සිටියා.
2016 වසරේ ගත වූ මාස 11 ක කාලය තුළ ඩෙංගු රෝගීන් හතළිස් හය දහසක් වාර්තා වී තිබෙනවා. සිදු වී ඇති මරන සංඛ්‍යාව 76 ක්. නොවැම්බර් මාසයේ දී පමණක් රෝගීන් 2500 ක් වාර්තා වී ඇති බවයි සෞඛ්‍ය අමාත්‍යංශය පැවසුවේ.
කොළඹ, ගම්පහ, හම්බන්තොට, කළුතර ඇතුළු දිස්ත‍්‍රික්ක 10 ක සෞඛ්‍ය වෛද්‍ය නිලධාරී කොට්ඨාස 30 ක් ඩෙංගු අවදානම් කලාප ලෙස නම් කර තිබෙනවා.
