ගාලූ මුවදොරපිටියේ ඉදිකෙරෙන ලොව විශාලතම නත්තල් ගසේ ඉදිකිරීම් නැවත ආරම්භ කිරීමට අග්‍රාමාත්‍යවරයා සහ මුදල් අමාත්‍යවරයා මැදිහත්වීම පිළිබඳ විරෝධය පළ කරන බව කිතුජන සහයෝගිතා ව්‍යාපාරය පවසනවා.
ආගමික වශයෙන් වැදගත් කරුණක් දේශපාලනික සහ ආර්ථීක අරමුණු වෙනුවෙන් යොදා ගැනීමට තමන් විරුද්ධ බවයි එම සංවිධානයේ සාමාජික සරත් ඉද්දමල්ගොඩ පියතුමන් ප්‍රකාශ කළේ.
ගාලූමුවදොර ඉදිවන නත්තල් ගස පමණක් නොව එවැනි ආකාරයේ සියලූ කටයුතු කිතුනු දහමට පටහැනි බවයි සරත් ඉද්දමල්ගොඩ පියතුමන් වැඩිදුරටත් පෙන්වා දුන්නේ.
