මධ්‍යම ආණ්ඩුවේ සහ පළාත් සභා අතර කඹ ඇදිල්ල හේතුවෙන් මීතොටමුල්ල කුණු කන්දේ ගැටළුව විසඳීමට නොහැකි වූ බව හිටපු ජනාධිපති මහින්ද රාජපක්ෂ මහතා පවසනවා.
තංගල්ලේ කාල්ටන් නිවසේ පැවති හිසතෙල් ගෑමේ උත්සවයෙන් අනතුරුව මාධ්‍ය වෙත අදහස් දක්වමින් හිටපු ජනාධිපතිවරයා මේ බව සඳහන් කළා.
ගැටළුවට විශාල ප‍්‍රමාණයේ ව්‍යාපෘති ආරම්භ කරනවාට වඩා ස්ථීර විසදුම් ලබා දීම සාර්ථක බවයි හිටපු ජනාධිපතිවරයා පෙන්වා දුන්නේ.
එමෙන්ම ජනතාවට ජීවත්වීම සඳහා අවශ්‍ය යහපත් පරිසරයක නිවාස ගොඩනැගීම ආණ්ඩුවේ වගකීමක් බවද සඳහන් කළා.
