නත්තල් සිරි නැරඹීමට කොළඹ ගාලු මුවදොර පිටියට එක් රැස්ව සිටි ජනතාවට ඊයේ රාත්‍රියේ නොසිතූ අත්දැකීමකට මුහුණ දීමට සිදු වුණා.
ඒ ඔවුන් නත්තල් සිරි නරඹමින් සිටියදී එක්වරම ගාලු මුවදොර ප්‍රධාන මාර්ගයේ ගමන් ගත් ත්‍රීරෝද රථයක් එක්වරම ගිනිගෙන සම්පූර්ණයෙන් විනාශ වීමයි.
කෙසේවෙතත් අනතුරත් සමග ත්‍රීරෝද රථයේ ගමන් ගත් පිරිස ඉන් ඉවත් වී ඇති බැවින් ඔවුන්ට කිසිදු හානියක් සිදුවී නැහැ.
ගින්න මැඩපැවැත්වීම සඳහා ජලය ලබාගෙන ඇත්තේ ජනාධිපති ලේකම් කාර්යාල පරිශ්‍රයෙන්.
මේ අතර බණ්ඩාරවෙළ නගරයේදීද ඊයේ රාත්‍රියේ මොර්ටර් රථයක ගින්නක් හට ගත්තා.
ඒ, එම මෝටර් රථය, ත්‍රිරෝද රථයක ගැටීමෙන් පසුවයි.
අනතුරෙන් බරපතල තුවාල ලැබූ පුද්ගලයින් තිදෙනෙකු රෝහල්ගත කළ බවයි වාර්තා වන්නේ.
අනතුරින් මෝටර් රථයට හා ත්‍රීරෝද රථයට දැඩි හානි සිදුව තිබෙනවා.
