හෙරෝයින් ග‍්‍රෑම් 07 යි මිලි ග‍්‍රෑම් 380ක් ළඟ තබා ගෙන සිටි 21 හැවිරිදි තරුණියක් දෙහිවල මුහුදු තීරයේදී අත්අඩංගුවට ගෙන තිබෙනවා.
ඇය සතුව තිබී රුපියල් හැට එක් දහසක මුදලක් ද සොයා ගැණුනා.
එමෙන්ම දැනට රක්ෂිත බන්ධනාගාරගත කර සිටින පුද්ගලයෙකුගේ නමින් රුපියල් හතලිස් දහසක මුදලක් බැංකුවක තැන්පත් කළ රිසිට් පතක් ද සොයා ගැණුනා.
රිමාන්ඞ් භාරයේ සිටින වසන්ත නැමැති පුද්ගලයෙකු විසින් තමන්ට මත්කුඩු ලබා දෙන බවත් ඒ අනූව තමන් මෙම ජාවාරම සිදුකරන බවත් ප‍්‍රශ්න කිරීම් හමුවේ ඇය ප‍්‍රකාශකර තිබෙනවා.
සැකකාරිය ගල්කිස්ස මහේස්ත‍්‍රාත් අධිකරණයට ඉදිරිපත් කිරීමෙන් පසු ලබන 18 වැනිදා දක්වා රක්ෂිත බන්ධනාගාරගත කෙරුණා.
