ෆීල්ඞ් මාර්ෂල් සරත් ෆොන්සේකා එක්සත් ජාතික පක්ෂයේ මන්ත‍්‍රීවරයෙකු ලෙස පාර්ලිමේන්තුවට පත්කිරීම අභියෝගයට ලක් කරමින් ගොනු කෙරුණු පෙත්සමක් සලකා බැලීම ජූනි මස 12 වැනිදා තෙක් කල් තැබීමට ශ්‍රේෂ්ඨාධිකරණය අද (17) තීරණය කළා.
මෙම පෙත්සම ගොනුකර ඇත්තේ දකුණු පළාත් සභාවේ හිටපු මන්ත‍්‍රී නීතීඥ අජිත් ප‍්‍රසන්න විසින්.
ප‍්‍රජාතන්ත‍්‍රවාදී පක්ෂයේ නායක සරත් ෆොන්සේකා පාර්ලිමේන්තු මන්ත‍්‍රීවරයෙකු ලෙස තේරී පත්වීමට සුදුසුකම් නොමැති බව ප‍්‍රකාශයට පත්කරමින් රීට් අඥාවක් නිකුත් කරන්නැයි ඉල්ලා පෙත්සම ගොනුකර තිබෙනවා.
අමාත්‍ය සරත් ෆොන්සේකා, එක්සත් ජාතික පක්ෂ මහලේකම් අමාත්‍ය කබීර් හෂීම්, මැතිවරණ කොමිසමේ සභාපති මහින්ද දේශප‍්‍රිය ඇතුළු හය දෙනෙකු එහි වගඋත්තරකරුවන් ලෙස නම්කර තිබෙනවා.
