අලි ඇතුන් බලා ගන්නන් පුහුණු කිරීම සඳහා නව මධ්‍යස්ථානයක් පිහිටුවන බව තිරසර සංවර්ධන හා වනජීවි අමාත්‍ය ගාමිණි ජයවික‍්‍රම පෙරේරා පවසනවා.
ඔහු ඒ බව පැවසුවේ පෙරහැර සඳහා අලි ඇතුන් පුහුණු කිරීමේ වැඩසටහනක් ආරම්භ කිරීම වෙනුවෙන් පින්නවල ඊයේ (24) පැවති උත්සවයකදීයි.
හීලෑ අලි ඇතුන් ලබාදීම මින් ඉදිරියට විධිමත් පටිපාටියක් යටතේ සිදු කරන බවද අමාත්‍ය ගාමිණී ජයවික‍්‍රම පෙරේරා මෙහිදී කියා සිටියා.
ඒ අනුව හීලෑ අලි ඇතුන් ලබා ගැනීමට අපේක්ෂා කරන තැනැත්තන්ගෙන් අයදුම්පත් කැඳවා සම්මුඛ පරීක්ෂණ ද පවත්වන බවයි ඔහු කියා සිටියේ.
