සිය මන්ත්‍රී ධූරය සම්බන්ධයෙන් ගාල්ල දිස්ත්‍රික් පාර්ලිමේන්තු මන්ත්‍රී ගීතා කුමාරසිංහ ගොණු කළ පෙත්සමක මැදිහත්කරුවෙකු වීමට හිටපු අමාත්‍ය පියසේන ගමගේට ශ්‍රේෂ්ඨාධිකරණය අද (07) අවසර ලබාදුන්නා.
ඒ, අදාළ පෙත්සම අගවිනිසුරු ප්‍රියසාද් ඩෙප් ප්‍රමුඛ ත්‍රිපුද්ගල විනිසුරු මඩුල්ලක් ඉදිරියේ අද කැඳවනු ලැබූ අවස්ථාවේදීයි.
ගීතා කුමාරසිංහ මන්ත්‍රීවරිය ද්විත්ව පුරවැසි භාවය ලබාඇති බැවින් පාර්ලිමේන්තු මන්ත්‍රී ධුරයක් දැරීමට නුසුදු බවට අභියාචනාධිකරණය පසුගියදා රීට් ආඥාවක් නිකුත් කළා.
එම නියෝගය අභියෝගයට ලක් කරමින් ගීතා කුමාරසිංහ මන්ත්‍රීවරිය ශ්‍රේෂ්ඨාධිකරණය හමුවේ මෙම පෙත්සම ගොණුකර තිබුණා.
ඒ අනුව අදාළ පෙත්සම සැප්තැම්බර් 25 වන දින ශ්‍රේෂ්ඨාධිකරණයේදී විවාදයට ගැනීමට නියමිතයි.
