ශ්‍රී දළදා මාලිගාවේ සහ දළදා කරඬුවේ රුව මුද්‍රණය කළ අය පොලිස් දැලේ

මහනුවර ඓතිහාසික ශ්‍රී දළදා මාලිගාවේ සහ දළදා කරඬුවේ රුව මුද්‍රණය කරන ලද කෝප්ප තොගයක් මහනුවර පොලිසිය මගින් අත්අඩංගුවට ගෙන තිබෙනවා.

මහනුවර කොළඹ වීදියේ වෙළඳසැලක විකිණීමට තිබීයදී එම කෝප්ප තොගය සොයා ගෙන ඇති බවයි නෙත් නිවුස් වාර්තාකරු පැවසුවේ.

පොලිසියට ලද තොරතුරක් අනුව සිදු කළ වැටලීමකදී ඒවා සොයා ගැණුනු බවයි මහනුවර පොලිසිය පැවසුවේ.

දළදා මාළිගාවට හා දළදා වහන්සේට අගෞරවයක් වන අයුරින් එම ඡායාරූප යොදා ගැනීමට එරෙහිව නීතිමය ක්‍රියා මාර්ග ගන්නා බවද මහනුවර පොලසියේ ප්‍රකාශකයෙකු පැවසුවා.