තෙල්දෙණිය රංගල ප්‍රදේශයේ සිදුවූ රිය අනතුරකින් පුද්ගලයන් දෙදෙනෙකු ජිවිතක්ෂයට පත්ව තිබෙනවා.
අද (08) පස්වරු 7ට පමණ මෙම අනතුර සිදුව ඇති බවයි පොලිසිය පැවසුවේ.
සිද්ධියෙන් තුවාල ලැබූ 15ක් තෙග්දෙනිය රෝහලට ඇතුළත් කර ඇති බවයි පොලිස් මාධ්‍ය ප්‍රකාශක කාර්යාලය පැවසුවේ.
පුද්ගලික බස් රථයක් අඩි 100 ක ප්‍රපාතයකට පෙරලි යාමෙන් මෙම අනතුර සිදුවුණා.
මේ අතර බදුරලිය පොලිස් වසමේ මතුගම කලවාන මාර්ගයේ, මිදලන ප්‍රදේශයේදී සිදුවූ රිය අනතුරකින් තුන් හැවිරිදි දැරියක් මිය ගොස් තිබෙනවා.
අනතුර සිදු වූයේ අද (08) පස්වරු 4යි 20ට පමණයි.
පොලිසිය පැවසුවේ අනතුරෙන් 12 දෙනෙකු තුවාල ලබා ඇති බවයි.
වෑන් රථයක් සහ ජීප් රථයක් මුහුණට මුහුණ ගැටීමෙනුයි මෙම අනතුර සිදුව ඇත්තේ. තුවාල ලැබූ 12 දෙනා බදුරලිය සහ කළුතර නාගොඩ රෝහල්වලට ඇතුළත් කර තිබෙනවා.
