කෝප් කමිටු සාමාජිකයින් පස් දෙනෙකු පර්පචුවල් ටේරෂරීස් සමාගමේ හිමිකරු වන අර්ජුන් ඇලෝසියස් සමග දුරකථන සබඳතා පවත්වා ඇතැයි බැඳුම්කර කොමිසමේදී අද (16) අනාවරණ වුණා.
අමාත්‍ය දයාසිරි ජයසේකර, රාජ්‍ය අමාත්‍ය සුජීව සේනසිංහ, නියෝජ්‍ය අමාත්‍ය අජිත් පී පෙරේරා මෙන්ම පාර්ලිමේන්තු මන්ත‍්‍රීවරුන් වන හෙක්ටර් අප්පුහාමි සහ හර්ෂණ රාජකරුණා එම පස්දෙනා වනවා.
ඔවුන් සහ ඇලෝසියස් අතර මෙම දුරකථන සංවාද ඇති වී තිබුණේ මතභේදාත්මක බැඳුම්කර ගනුදෙනුව පිලිබඳ විමර්ශනය කරන සමයේදී බවද වැඩිදුරටත් හෙළි වුණා.
ඊට අදාළ ලේඛනයක් නීතිපති දෙපාර්තමේන්තුව විසින් කොමිසමට අද ඉදිරිපත් කරනු ලැබුවා.
