අද (19) පෙරවරු 9.10ට පමණ බොරැල්ල පොලිස් වසමේ නාලන්දා විද්‍යාලය අසළ මාර්ගයේ වෙඩි වැදී ඇත්තේ ත්‍රීරෝද රථයකින් ගමන් කළ පුද්ගලයෙකුට බවයි පොලිසිය සඳහන් කරන්නේ.
මෙසේ මරණයට පත්ව ඇත්තේ වයස අවුරුදු 45ක් පමණ වන මාලිගාවත්ත ප්‍රදේශයේ පදිංචිකරුවෙකු බවටද හඳුනාගෙන තිබෙනවා.
ඔහු ත්‍රීරෝද රථය පදවාගෙන යද්දී මෙලෙස නාඳුනන පිරිසක් විසින් වෙඩි තබා පළාගොස් තිබෙනවා.
------------------------------
පුංචි බොරැල්ලේ මාර්ගයක් අසළ මළසිරුරක් (UPDATE)
(19-11-2017 10:28)
මීට සුළු වේලාවකට පෙර පුංචි බොරැල්ල ප්‍රදේශයේ මාර්ගයක් අසළ තිබී පුද්ගල මළ සිරුරක් හමු වූ බව පොලිසිය සඳහන් කළා.
පොලිසිය වැඩි දුරටත් සඳහන් කළේ අදාළ පුද්ගලයාට තුවාල සිදුව ඇත්තේ වෙඩි තැබීමක් නිසාද තියුණු ආයුධයකින් කළ පහරදීමක් නිසාද යන්න මෙතෙක් තහවුරු වී නොමැති බවයි.
------------------------------------------------
පුංචි බොරැල්ලේ වෙඩි තැබීමක්
(19-11-2017 10:09)
කොළඹ පුංචි බොරැල්ල ප්‍රදේශයේදී මීට සුළු වේලාවකට පෙර වෙඩි තැබීමක් සිදු ව තිබෙනවා.
පොලිසිය සඳහන් කළේ සිද්ධිය ගැන පරීක්ෂණ ආරම්භ කර ඇති බවයි.
