ශ්‍රී ලංකා බංග්ලාදේශ ටෙස්ට් ක්‍රිකට් තරගාවලියේ පළමු තරගයේ 4වන දිනය අදයි. අද (03) තරගය නතර කරන විට බංග්ලාදේශ කණ්ඩායම සිය 2වන ඉණිම සඳහා කඩුලූ 3ක් දැවී ලකුණු 81ක් ලබා සිටියා.
පළමු ඉණිම සඳහා ඔවුන් රැස් කරගත් ලකුණු සංඛ්‍යාව 513ක්. ඊට පිළිතුරු වශයෙන් ශ්‍රී ලංකා කණ්ඩායම කඩුලූ 9ක් දැවී ලකුණු 713ක් ලබා ගත්තා. ඒ අනුව, බංග්ලාදේශ කණ්ඩායම සිටින්නේ ශ්‍රී ලංකාවට වඩා තවත් ලකුණු 119ක් පිටුපසින්.
හෙට (04) තරගයේ අවසන් දිනයයි.
-------------------------
බංග්ලාදේශය පලමු ටෙස්ට් තරගයේ වැඩි ගෞරව අත්කර ගැනීමට ශ්‍රී ලංකා කණ්ඩායම (02-02-2018 20:36)
බංග්ලාදේශය සමග පැවැත්වෙන පලමු ටෙස්ට් තරගයේ තුන්වන දිනය නිමා වනවිට තරගයේ වැඩි ගෞරව අත්කර ගැනීමට ශ්‍රී ලංකා කණ්ඩායම සමත්වුණා.
දිනය නිමා වනවිට සිය පළමු ඉනිම ක්‍රීඩා කළ ශ්‍රී ලංකා කණ්ඩායම කඩුළු 03ක් දැවී ලබා සිටි ලකුණු සංඛ්‍යාව 504ක්.
ඒ බංග්ලාදේශ කණ්ඩායම පළමු ඉනිමේදි රැස්කළ ලකුණු 513ට පිළිතුරු ලෙසයි. ශ්‍රී ලංකා කණ්ඩායම වෙනුවෙන් කුසල් මෙන්ඩිස් ලකුණු 196ක් රැස්කළ අතර ධනංජය ද සිල්වා ලකුණු 173ක් රැස්කළා.
ශ්‍රී ලංකා කණ්ඩායම කඩුළු 07ක් අතැතිව බංග්ලාදේශ පළමු ඉනිමට වඩා පිටුපසින් සිටින්නේ ලකුණු 09කින් පමණයි.
