තලවතුගොඩ ප්‍රදේශයේදී දියවන්නා ඔයට පෙරලී තිබුණු සුඛෝපභෝගී මෝටර් රථය කොළඹ 5 ප්‍රදේශයේ පිහිටා ඇති මෝටර් රථ අලෙවි කරන සමාගමට අයත් එකක් බවට සඳහන් වුවද ඒ සම්බන්ධයෙන් වගකිවයුතු පුද්ගලයෙක් මේ දක්වා ඉදිරිපත් වී නොමැති බව පොලීසිය පවසනවා.
අදාළ සුඛෝපභෝගී මෝටර් රථයේ හිමිකරු හෝ රියැදුරු මෙතෙක් පොලීසියට ඉදිරිපත්වී නොමැති නිසා ඒ පිළිබඳ කරුණු අනාවරණය කර ගැනීම සඳහා හෙට (19) දිනයේ පොලිසිය මෝටර් රථ ප්‍රවාහන දෙපාර්තමේන්තුව වෙත යන බවද සඳහන් කළා.
ඒ හරහා මෙම මෝටර් රථය ගෙන්වූ සමාගම, එම සමාගමෙන් මෝටර් රථය මිලදී ගත් පුද්ගලයා සහ එහි වර්ථමාන හිමිකරු කවුරුන්ද යන්න සොයා ගත හැකි බවද සඳහන් කළා.
ඒ අනුව මේ වන තෙක් අදාළ මෝටර් රථය පොලිසිය භාරයේ පවතිනවා.
සිද්ධිය දුටු අසළ සිටි පුද්ගලයෙකු සඳහන් කරන්නේ “උදේ 6ට විතර ඇති.. ගොඩක් වේගයෙන් ආවා කාර් එක. ආපු ගමන් කෙලින්ම වැවට ගියා.. තව වාහන දෙක්ක හප්පගෙන තමයි ගියේ." යනුවෙනි.
