ජාතික ආණ්ඩුවෙන් ඉවත් වූවද මෙවර මැයි දින රැළිය සිය පක්ෂය සමග සමරන බව ශ්‍රී ලංකා නිදහස් පක්ෂ මන්ත්‍රීවරුන් 16 දෙනාගේ කණ්ඩායම පවසනවා. ඒ, ඊයේ (24) පැවති මධ්‍යම කාරක සභා රැස්වීමේදීයි.
ශ්‍රී ලංකා නිදහස් පක්ෂයේ ප්‍රතිසංවිධාන කටයුතු සම්බන්ධයෙන් තීරණයක් ගැනීමට විශේෂ කමිටුවක් ද මෙහිදී පත් කෙරුණා. ශ්‍රී ලංකා නිදහස් පක්ෂ මධ්‍යම කාරක සභාවේදී සාකච්ඡා කළ කරුණු පිළිබඳ මාධ්‍ය වෙත අදහස් දක්වමින් හිටපු පාර්ලිමේන්තු මන්ත්‍රී ලලිත් දිසානායක මේ බව කියා සිටියා.
