සැලසුම් කළ පරිදිම අද සිට අකුරට වැඩ කිරීමේ වෘත්තීය සමිති කි‍්‍රයාමාර්ගයක නිරත වන බව සමස්ත ලංකා වන සත්ව නියාමකවරුන්ගේ සංගමයේ සභාපති ඉන්දික වසන්ත පීරිස් පවසනවා. අතිකාල දීමනා සහ වැටුප් ගැටළු ඇතුළු ඉල්ලීම් කිහිපයක් මුල්කර ගනිමින් මෙම වෘත්තීය සමිති කි‍්‍රයාමාර්ගයේ නිරත වන බවයි ඔවුන් වැඩිදුරටත් පැවසුවේ.
වෘත්තීය සමිති කි‍්‍රයාමාර්ගයක් දක්වා තමන් දැඩි තීරණයකට එළැඹියේ තම ඉල්ලීම් සම්බන්ධයෙන් වගකිවයුතු පාර්ශව දිගින් දිගටම නොසලකා හැරීම නිසා බවද මෙහිදී ප‍්‍රකාශ කෙරුණා.
අද සිට ආරම්භ කරන සිය වෘත්තීය සමිති කි‍්‍රයාමාර්ගය හේතුවෙන් ජාතික වනෝද්‍යානවල ඇතුළුව සේවා බොහොමයක අඩාලවීම් සිදුවිය හැකි බවද මෙහිදි ප‍්‍රකාශ කෙරුණා.
