රක්ෂිත බන්ධනාගාර ගත කර සිටින පර්පචුවෙල් ටේරෂරීස් සමාගමේ හිමිකරු අර්ජුන් ඇලෝසියස් සහ එහි ප්රධාන විධායක නිලධාරී කසුන් පලිසේන ඇප ඉල්ලා ගොනු කර ඇති ප‍්‍රතිශෝධන පෙත්සම ලබන 11වනදා යළි විභාගයට ගැනීමට අභියාචනාධිකරණය අද (01) දින නියම කළා.
මෙම පෙත්සම අද කැඳවනු ලැබුවේ අභියාචනාධිකරණයේ සභාපති විනිසුරු පී‍්‍රති පද්මන් සූරසේන සහ විනිසුරු ශිරාන් ගුණරත්න ඉදිරියේයි. මෙම සැකකරුවන් සම්බන්ධයෙන් ඇප ඉල්ලා අභියාචනාධිකරණයේ ප‍්‍රතිශෝධන පෙත්සමක් ගොනු කිරීමට නීතිමය අයිතියක් නොමැති බව නිතිපතිවරයා වෙනුවෙන් පෙනී සිටි අතිරේක සොලිසිටර් ජනරාල්වරයා එහිදි කියා සිටියා.
නීතිපතිවරයාගේ වැඩිදුර දේශනය පෙත්සම යළි කැඳවන ලබන 11වනදා සිදු කිරීමට නියමිතයි.
ප‍්‍රශ්ණගත බැඳුම්කර ගනුදෙනුව සම්බන්ධයෙන් අර්ජුන් ඇලෝසියස් සහ කසුන් පලිසේන චෝදනා ලබා සිටිනවා.
