අර්ජුන ඇලෝසියස් පසුගිය අවුරුදු 10-15 ක කාලයක පමණක සිට වැඩි වශයෙන්ම කාලය ගත කලේ හිටපු ජනාධිපති මහින්ද රාජපක්ෂ සහ ඔහුගේ දරුවන් සමග බවත් හෘද සාක්ෂියට එකඟව ඔහුගෙන් මුදල් ගත්තේ කවුරුන්ද යන්න ගැන එලෙස මුදල් ගත් පුද්ගලයින්ම දන්නා බව සමාජ සවිබල ගැන්වීමේ අමාත්‍ය පී. හැරිසන් ප්‍රකාශ කර සිටිනවා.
අමාත්‍යවරයා වැඩිදුරටත් කියා සිටියේ කථානායකවරයා විසින් බැදුම්කර වංචාව යටතේ අර්ජුන ඇලෝසියස් ගෙන් මුදල් ලබා ගත් අය කවුරුන්ද යන්න ගැන සදහන් වාර්තාව හෙලිකල යුතු බවයි.
ඇමතිවරයා අර්ජුන ඇලෝසියස් ගෙන් මුදල් ගත්තාද යන්න ගැන මෙහිදී මාධ්‍යවේදීන් ප්‍රශ්න කළ අතර, එහිදී ඔහු කියා සිටියේ තමන්ට කිසිවෙකු මුදල් දීමට ඉදිරිපත් නොවූ බවත් එමෙන්ම තමන් කිසිවෙකු ගෙන් මුදල් ලබා ගත්තේද නැති බවයි.
20 වෙනි ආණ්ඩුක්‍රම සංශෝධනය යටතේ විධායක ජනාධිපතිධුරය අහෝසි කිරීම සදහා ජනතා විමුක්ති පෙරමුණ ඉදිරිපත් කරන යෝජනාව සම්බන්ධයෙන් ද මෙහිදී ඇමතිවරයාගෙන් මාධ්‍යවේදීන් ප්‍රශ්න කළ අතර එහිදී ඔහු කියා සිටියේ එක්සත් ජාතික පක්ෂයේ මතය වන්නේද විධායක ජනාධිපතිධුරය අහෝසි කල යුතු බවයි. මේ පිලිබදව පක්ෂයක් වශයෙන් එක්සත් ජාතික පක්ෂයේ මතය පසුගිය ජනාධිපතිවරණ සමයේදී ඉදිරිපත් කළ ප්‍රතිපත්ති ප්‍රකාශනයේදී පවා ඇතුලත් කර තිබු බව ද ප්‍රකාශ කර සිටියා.
