මොරගහකන්ද ව්‍යාපෘතියේ දී කිසිදු දුෂණයක් හෝ අක‍්‍රමිකතාවක් සිදු කිරීමට කිසිවෙකුටත් ඉඩ නොදෙන බව ජනාධිපති මෛත‍්‍රීපාල සිරිසේන මහතා පැවසුවා. එවැනි දුෂණ හා අක‍්‍රමිකතා පිළිබඳ පැමිණිලි ඇත්නම් තමන් වෙත පෞද්ගලිකව හෝ ඉදිරිපත් කරන ලෙයසි ඔහු සියලූ පාර්ශවයන්ගෙන් ඉල්ලා සිටියේ. මොරගහකන්ද ව්‍යාපෘතිය යටතේ ඉදි කෙරෙන කළු ගඟ ජලාශයේ ජලය පිරවීම වෙනුවෙන් අද (23) පැවති උත්සවයේදී ජනාධිපතිවරයා මෙම අදහස් පළ කළා.
මොරගහකන්ද ව්‍යාපෘතියේ දුෂණ සහ අක‍්‍රමිකතා සම්බන්ධ පැමිණිලි භාර ගැනීම ස`දහා ලබන සතියේ සිට විශේෂ ඒකකයක් පිහිටුවන බවද ජනාධිපතිවරයා මෙහිදී කියා සිටියා.
අද ජලය පිරවීම් ආරම්භ කෙරුණු කළු ගඟ ජලාශයේ මුළු ධාරිතාව අක්කර අඩි දෙලක්ෂ 880ක්. කළු ගඟ පහල නිම්න ප‍්‍රදේශයේ නැවත පදිංචි කළ පවුල් 3000ක් සඳහා මෙයින් ජලය සැපයෙනවා. උතුරුමැද පළාතට සහ මාතලේ, වව්නියාව, ත‍්‍රීකුණාමලය, කුරුණෑගල සහ පුත්තලම යන දිස්ත‍්‍රික්කවලට ද මෙමඟින් ජලය සැපයීමට නියමිතයි.
