කන්දෙගෙදර සිට බදුල්ල බලා ධාවනය වු ලංගම බස් රථයක් අද පෙරවරු 8.00 ට පමණ බදුල්ල අලුගොල්ල කන්දෙන් අඩි 150 ක පමණ ප්‍රපාතයකට පෙරළී සිදු වූ අනතුරෙන් ජීවිතක්ෂයට පත්ව ඇත්තේ 13 හැවිරිදි දරුවෙකු බව අනාවරණය වී තිබෙනවා.
සිද්ධියෙන් මේ වන විට 34 දෙනෙකු තුවාල ලබා ඇති බවයි බදුල්ල පොලිසිය පවසන්නේ.
බදුල්ල ඩිපෝවට අයත් බස් රථයේ රියදුරා මාර්ගයේ පටු ස්ථානයකදී වාහයකට ඉඩදීමට යාමේදී බස් රථය මෙලසෙ පෙරළී ගොස් ඇති බවයි විමර්ශනවලදී අනාවරණය වී ඇත්තේ.
තුවාලකරුවන් 03 දෙනෙකුගේ තත්ත්වය බරපතල බවද සඳහන්.
------------------------------
බස් රථයක් පෙරළෙයි
(27-08-2018 09:38)
ලංකා ගමනා ගමන මණ්ඩලයට අයත් බස් රථයක් බදුල්ල, අලුගොල්ල ප්‍රදේශයේ ප්‍රපාතයකට පෙරළී ඇතැයි වාර්තා වෙනවා.
බස් රථය අඩි 150 ක පමණ ප්‍රපාතයකට පෙරළී ඇති බවත් අනතුරින් පුද්ගලයෙකු මියගොස් ඇති බවත් වැඩි දුරටත් සඳහන් වනවා.
අනතුරින් 27 දෙනෙකු පමණ තුවාල ලබා ඇතැයි ද සඳහන්.
