බිරිඳගේ ගෙළ මිරිකමින් සිටි පුද්ගලයාට සැමියාගෙන් පොරෝ පහර

පුද්ගලයෙකු නිවසට පැමිණ නිවසේ සිටි බිරිඳගේ ගෙළ මිරිකා පහරදී ඇයව ඝාතනය කිරීමට තැත් කරමින් සිටියදී සැමියා විසින් පොරවකින් ප්‍රහාරයක් එල්ල කර ඔහුව ඝාතනය කර තිබෙනවා.

ඊයේ (02) සවස දෙනියාය අඹගහහේන  ප්‍රදේශයේදී මෙම සිදුවීම ඇතිව තිබෙනවා.

සිද්ධියෙන් මරණයට පත්ව ඇත්තේ වයස අවුරුදු 43ක් වූ තල්ගහවලහේන, අඹගහහේන දෙනියාය ප්‍රදේශයේ පදිංචි ගම්හැල කංකානම්ගේ දයානන්ද නම් අයෙක්.

ඝාතනය සිදු කළ අඹගහහේන ප්‍රදේශයේම පදිංචි වයස අවුරුදු 43ක් වූ සැකකරුව පොලිසිය අත්අඩංගුවට ගෙන තිබෙනවා.