මෙම වසරේදී අලුතින් ඡන්ද දායකයින් එක් ලක්ෂ 50,000ක් ලියාපදිංචි වනු ඇතැයි මැතිවරණ කොමිෂන් සභාව පවසනවා.
ඒ අනුව මෙරට ලියාපදිංචි ඡන්ද දායකයින්ගේ සංඛ්‍යාව එක් කෝටි පනස් අට ලක්ෂයකට ආසන්න වනු ඇති. 2018 ඡන්ද හිමි නාමලේඛණය සහතික කිරිමේ කටයුතු එළඹෙන ඔක්තෝම්බර් මාසයේදී සිදු කිරීමට නියමිතයි. නියෝජ්‍ය මැතිවරණ කොමසාරිස් එම්. එම්. මොහොමඩ් මේ බව සඳහන් කළා.
මේ වනවිට සකස් කර ඇති 2018 ඡන්ද හිමි නාමලේඛණ කෙටුම්පත ප‍්‍රදර්ශනය කරන කාලය අනිද්දායින් අවසන් වන බවද මෙහිදී ප‍්‍රකාශ කෙරුණා.
ඡන්ද හිමි නාමලේඛණ කෙටුම්පත පිළිබඳ විරෝධතා හෝ ඉල්ලීම් ඉදිරිපත් කිරීමට ද හැකියාවක් පවතින බවයි මෙහිදී පැහැදිළි කෙරණේ.
2018 ඡන්ද හිමි නාමලේඛණයේ නම තිබේදැයි ග‍්‍රාම නිලධාරීවරයාගෙන් හෝ සිය වෙබ් අඩවියට පිවිසීමෙන් තහවුරු කර ගන්නා ලෙසටයි මැතිවරණ කොමිසම සියලූම ඡන්ද දායකයින්ගෙන් ඉල්ලා සිටින්නේ.
