අමාත්‍යවරුන්, රාජ්‍ය අමාත්‍යවරුන් සහ නියෝජ්‍ය අමාත්‍යවරුන් පිරිසක් එම ධුරවලින් ඉල්ලා අස්වුවත් ආණ්ඩුව අස්ථාවර නොවන බව පාර්ලිමේන්තු මන්ත්රී හර්ෂණ රාජකරුණා පවසනවා. ආණ්ඩුවේ ශක්තිය පෙන්වීම සඳහා ආණ්ඩුවට එරෙහි විශ්වාසභංග යෝජනාව ඉක්මණින් විවාදයට ගැනීමට ද යෝජනා කරන බවයි මන්ත‍්‍රීවරයා පැවසුවේ.
රාවුෆ් හකීම්, රිෂාඞ් බදියුදීන්, කබීර් හෂීම් සහ අබ්දුල් හලීම් යන අමාත්‍යවරුන් ද ෆයිසාල් කාසිම්, එච්. එම්. එම්. හාරිස්, අමීර් අලි සහ අලි සහිර් මවුලානා යන රාජ්‍ය අමාත්‍යවරුන් සහ නියෝජ්‍ය අමාත්‍ය අබ්දුල්ලා මහරුෆ් ද එම ධුරවලින් ඉල්ලා අස්වන බව ඊයේ (03) ප‍්‍රකාශ කෙරුණා.
පාර්ලිමේන්තු මන්ත්රී හර්ෂණ රාජකරුණා මෙම අදහස් පළ කළේ ඒ පිළිබඳ කළ විමසීමකදීයි.
පුරප්පාඩු වන අමාත්‍ය ධුර සඳහා අනුප‍්‍රාප්තිකයන් පත් කරන්නේදැයි ද නෙත් නිවුස් මෙහිදී ප‍්‍රශ්න කළා.
එහිදී "අපි බලාපොරොත්තු වනවා ඉතා ඉක්මනින්ම පරීක්ෂණ තුළින් මේ ප්‍රශ්නය විසඳයි කියලා. වැරදිකරුවන් ඉන්නවා නම් ඒ අය අත්අඩංගුවට අරගෙන නීතිය ක්‍රියාත්මක කරලා..අනෙක් අය නිදොස් කරලා. ඒ කාලය තුළ මේ අමාත්‍යාංශවල වැඩකටයුතු සාර්ථකව ඉටු කරන්න කෙටි කාලයකට හෝ අමාත්‍යවරුන්.. වෙනත් අයට ඒ වගකීම භාරදිය යුතුයි." යනුවෙනි.
රිෂාඞ් බදියුදීන්ට එරෙහිව ඉදිරිපත් වූ විශ්වාසභංග යෝජනාව දැන් විවාදයට ගැනීම අවශ්‍ය නොවනු ඇතැයි ද මෙහිදී ප‍්‍රකාශ කෙරුණා.
