දිළිදුකම මෙරටින් තුරන් කිරීම සිය ප්රමුඛ අරමුණක් බව ජාතික ජන බලවේගයේ ජනාධිපති අපේක්ෂක පාර්ලිමේන්තු මන්ත්රී අනුර කුමාර දිසානායක පවසනවා. මැණික්හින්න ප්රදේශයේ පැවති ජනහමුවකට එක්වෙමින් ඔහු මේ බව කියාසිටියා.
" මැතිවරණ වේදිකාව දිහා බැලුවම හරියට නත්තල් වගේ. අපේක්ෂකයෝ දෙන්නෙක් ඉන්නවා, එයාලා ගොවියන් ලඟට ගිහිල්ලා කියනවා පොහොර ටික නිකම් දෙනවා, ළමුන් ලඟට ගියාම කියනවා කිරි වීදුරුවක් දෙනවා කියලා. ඒ වගේම සරසවි සිසුන් ඉන්න තැනට ගියාම කියනවා හොද රැකියාවන් දෙනවා කියලා. මෙච්චර කල් ආණ්ඩු කලේ අපිද? ඒ අපේක්ෂකයින් බලන්නේ දුප්පත්කම විකුණගෙන කන්නයි. ඒත් අපේ බලාපොරොත්තුව මේ රටේ දුප්පත්කම නැති කරන එකයි. අපි මේ රට හදනවා" ඔහු මෙහිදී කියා සිටියා.