මෙරට මුහුදු සීමාවට පැමිණ සිටින සීල් මත්ස්‍යයාගේ හැසිරීම නිරීක්ෂණයෙන් ජෛව විද්‍යාත්මක තොරතුරු රැසක් එක්රැස් කර ගනිමින් සිටින බව වනජීවී දෙපාර්තමේන්තුව පවසනවා.
මෙම තොරතුරු ඉදිරි කාලගුණ දේශගුණ විපර්යාස පිළිබඳ පුරෝකතනයට වැදගත් බවයි වනජීවී අධ්‍යක්‍ෂ ජනරාල් එම්. ජී. සී. සූරියබණ්ඩාර පැවසුවේ.
මෙම දත්ත ඉදිරියේදී යොදා ගන්නා ආකාරය සම්බන්ධයෙන් ද මෙහිදී පැහැදිළි කෙරුණා.
මෙම සත්ත්වයා නැරඹීමට යන ජනතාව අවධානය යොමු කළ යුතු කරුණු සම්බන්ධයෙන් ද වනජීවී අධ්‍යක්‍ෂ ජනරාල් එම්. ජී. සී. සූරියබණ්ඩාර මෙලෙස පැහැදිළි කළා.
"මේ සත්ත්වයා ආසන්නයට යෑමෙන් සත්ත්වයාගේ සපා කෑමට ලක්විය හැකියි. ඒ වගේම මේ සත්ත්වයා මේ දිනවල උඩු සම ඉවත් කිරීමේ තත්ත්වයක සිටින බැවින් එම සත්ත්වයාට අනිවාර්යයෙන් විවේකය අවශ්‍යයි. එම විවේකය නොලැබීමෙන් සත්ත්වයාගේ ජීවිතයට හානියක් වීමේ ඉඩකඩද තිබෙනවා."
