පළමු පාසල් වාරය ආරම්භයේ සිට ඊයේ (10) දිනය දක්වා ගතවු කාලය තුලදි ගාල්ල දිස්ත්‍රික්කයේ පාසල් 48ක පාසල් දරු දැරියන් 95 දෙනෙකුට හා ගුරුවරු තිදෙනෙකුට කොරෝනා වෛරසය ආසාදනය වි ඇති බව ගාල්ල දිස්ත්‍රික් ප්‍රාදේශීය වසංගත රෝග විද්‍යාඥ වෙනුර කේ.සිංගාරච්චි පවසනවා.
මින් පාසල් දරුවන් අති බහුතරයට කොරෝනා වෛරසය ආසාදනය වි ඇත්තේ පවුලේ අයෙකුට හා ඥතියෙකුට කොරෝනා වෛරසය ආසාදනය විම නිසා නිවෙස්වල නිරෝධායනය වෙමින් සිටියදි බවද ප්‍රාදේශීය වසංගත රෝග විද්‍යාඥවරයා පැවසුවේ. මොවුන්ගේ පළමුපෙළ ආශ්‍රිතයින් ලෙස පාසල් දරු දැරියන් 197 දෙනෙකු හා ගුරුවරු 19 දෙනෙකු හදුනාගෙන ඇති බවත් ඔවුන් සියලු දෙනා නිරෝධායනය කිරිමට කටයුතු කර ඇති බව ද ඔහු සඳහන් කර සිටියා.
පළමු පාසල් වාරය ආරම්භයේ සිට ඊයේ දිනය දක්වා ගතවු කාලය තුල කොරෝනා වෛරසය ආසාදනය වු පාසල් දරු දැරියන් 95 දෙනාගෙන් පාසල් 21ක දරු දැරියන් 33 දෙනෙකුටම කොරෝනා වෛරසය ආසාදනය වි ඇත්තේ ඉකුත් සති දෙක තුලදි බවයි ප්‍රාදේශීය වසංගත රෝග විද්‍යාඥවරයා සඳහන් කළේ. එම සති දෙක තුල එක් ගුරුවරයකුට ද කොරෝනා වෛරසය ආසාදනය වි ඇති බව ද ඔහු ප්‍රකාශ කර සිටියා.
මේ කාලය තුල දි අම්බලන්ගොඩ සෞඛ්‍ය වෛද්‍ය නිලධාරි කොට්ඨාශයේ පදිංචි පාසල් දරු දැරියන් 07 දෙනෙකුට, අක්මිමන සෞඛ්‍ය වෛද්‍ය නිලධාරි කොට්ඨාශයේ පදිංචි දරු දැරියන් 02නෙකුට, බද්දේගම ප්‍රදේශයේ එක් සිසුවියකට, බලපිටිය සෞඛ්‍ය වෛද්‍ය නිලධාරි කොට්ඨාශයේ පාසල් දරු දැරියන් 07 දෙනෙකුට හා ගුරුවරුන් 02 නෙකුට, බෝපේ පොද්දල සෞඛ්‍ය වෛද්‍ය නිලධාරි කොට්ඨාශය තුල පදිංචි පාසල් දරු දැරියන් 22ක් හා එක් ගුරුවරයෙකුට, ඇල්පිටිය ප්‍රදේශයේ පදිංචි දරුවන් 02 කට, හබරාදුව ප්‍රදේශයේ පදිංචි දරුවන් 08 දෙනෙකුට, හික්කඩුව ප්‍රදේශයේ දරුවන් 02 කට කොරෝනා වෛරසය ආසාදනය වි ඇති බව ප්‍රාදේශීය වසංගත රෝග විද්‍යාඥවරයා පැවසුවේ. පවසයි.
මිට අමතරව ඉමදුව සහ ඉඳුරුව ප්‍රදේශයේ පාසල් දරුවන් දෙදෙනෙකුට, කරන්දෙණිය සෞඛ්‍ය වෛද්‍ය නිලධාරි කොට්ඨාශයේ පාසල් දරු දැරියන් 04 දෙනෙකුට, ගාල්ල නගර සභා බල ප්‍රදේශයේ පදිංචි පාසල් දරු දැරියන් 08 දෙනෙකුට, නෙළුව ප්‍රදේශයේ 17 දෙනෙකුට, රත්ගම ප්‍රදේශයේ 05 කට, උඩුගම සෞඛ්‍ය වෛද්‍ය නිලධාරි කොට්ඨාශයේ පදිංචි පාසල් දරු දැරියන් 06 දෙනෙකුට කොරෝනා වෛරසය ආසාදනය වි ඇති බවද ප්‍රාදේශීය වසංගත රෝග විද්‍යාඥවරයා පවසා සිටියා.
වැඩිම කොරෝනා ආසාදිත පාසල් දරු දැරියන් වාර්තා වන්නේ ගාල්ල, නෙළුව සෞඛ්‍ය වෛද්‍ය නිලධාරි කොට්ඨාශයෙන් වන අතර එම සංඛ්‍යාව 17කි. ගාල්ල දිස්ත්‍රික්කයේ පාසල්වල කොරෝනා පොකුරක් නිර්මානය විමට ඉඩ නොදි එය ඉතා සාර්ථක ලෙස පාලනය කොට ඇති බවද ප්‍රාදේශීය වසංගත රෝග විද්‍යාඥවරයා වැඩිදුරටත් සදහන් කර සිටියා.
