පොලිස් නිලධාරීන්ගේ රාජකාරියට බාධා කිරීමේ චෝදනා එල්ලවූ සැකකරුවෙකු කෝපායි පොලීසිය මඟින් අත්අඩංගුවට ගෙන තිබෙනවා.
ඒ, කෝපායි, ඌරළු ප්‍රදේශයේදියි. පසුගිය 04 වනදා මාර්ග බාධක රාජකාරිවල නිරත චුන්නාගම් පොලිස් ස්ථානයේ නිලධාරීන් කණ්ඩායමක් අණ නොතකා පළාගිය යතුරු පැදියක් අත්අඩංගුවට ගැනීමේදී එම නිලධාරීන්ගේ රාජකාරියට බාධා කළ බවටයි සැකකරුට චෝදනා එල්ලවී ඇත්තේ.
මෙම සිද්ධියට සම්බන්ධ සැකකරුවන් දෙදෙනෙකු මීට පෙර අත්අඩංගුවට ගෙන නඩු පවරා ඇති බවද පොලීසිය සඳහන් කළා.
අත්අඩංගුවට ගත් සැකකරු යාපනය මහේස්ත්‍රාත් අධිකරණයට ඉදිරිපත් කිරීමට නියමිතයි.
