ජනාධිපති ගෝඨාභය රාජපක්ෂ අද (21) පෙරවරුවේ පාර්ලිමේන්තුවට පැමිණ තිබෙනවා.
පාර්ලිමේන්තු සංකීර්ණයට පැමිණි ජනාධිපතිවරයා සභානායක දිනේෂ් ගුණවර්ධන, රාජ්‍ය අමාත්‍යවරුන් වන කනක හේරත්, නාලක ගොඩහේවා, කංචන විජේසේකර, අරුන්දික ප්‍රනාන්දු සහ පාර්ලිමේන්තු මන්ත්‍රි ඉසුරු දොඩංගොඩ යන අය විසින් පිළිගැනුණු අතර පාර්ලිමේන්තුවේ ආණ්ඩු පක්ෂ මන්ත්‍රිවරුන් සමග ජනාධිපතිවරයා සභා ගර්භයට පැමිණියා.
ජනධිපතිවරයා සභා ගර්භයට පිවිසෙන විට ස්ථාවර නියෝග 27/2 යටතේ විපක්ෂ නායක සජිත් පේමදාස විසින් ප්‍රශ්න ඇසීම සිදුකරමින් සිටියා.
විපක්ෂ නායකවරයාගේ වාචික ප්‍රශ්නවලට මහින්දානන්ද අලුත්ගමගේ, ලසන්ත අලගියවන්න යන අමාත්‍යවරුන් විසින් දුන් පිළිතුරුවලට ද ජනාධිපතිතුමා සවන්
දෙනු ලැබුවා.
