විදෙස් රටවලින් පැමිණෙන පුද්ගලයින්ගෙන් ඩෙල්ටා ප්ලස් අනු කොවිඩ් ප්‍රභේදය මෙරට තුළ ව්‍යාප්ත වීමේ වැඩි හැකියාවක් ඇතැයි සෞඛ්‍ය බලධාරීන් පවසනවා. නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් පැවසුවේ යම් ආකාරයකින් ඩෙල්ටා ප්ලස් අනු කොවිඩ් ප්‍රශේදය මෙරටට පැමිණියහොත් එහි පැතිරීම තීරණය වන්නේ ජනතාවගේ සෞඛ්‍ය පුරුදු මත බවයි.
සෞඛ්‍ය ප්‍රවර්ධන කාර්්‍යංශයේ අධ්‍යක්ෂ වෛද්‍ය රංජිත් බටුවන්තුඩාව පැවසුවේ සංචරණ සීමා ඉවත් කිරීමෙන් පසු මෙරට ජනතාවගේ හැසිරීම සම්බන්ධයෙන් සතුටුවිය නොහැකි බවයි.
මේ අතර කොවිඩ් රෝගයේ අතුරු ප්‍රතිඵලයක් ලෙස වැළදෙන කලු දිලීර රෝගයෙන් ගාල්ල ප්‍රදේශයේ පුද්ගලයෙකු මියගොස් තිබෙනවා. ඉකුත් 26 වනදා ඔහු මියගොස් ඇත්තේ කරාපිටිය රෝහලේදියි. කලු දිලීර රෝගයෙන් මෙරට සිදුවූ පළමු මරණය මෙය ලෙසයි සැලකෙන්නේ.
