“එක රටක් - එක නීතියක්” සදහා වූ ජනාධිපති කාර්ය සාධක බලකාය අද පළමු වරට රැස් වනවා. පූජ්‍ය ගලගොඩඅත්තේ ඥාණසාර හිමියන්ගේ ප්‍රධානත්වයෙන් මෙම ජනාධිපති කාර්ය සාධක බලකාය පත් කෙරුණේ ඉකුත් 27 වනදායි. ඒ, සාමාජිකයින් 13 දෙනෙකුගෙන් යුක්තවයි.
කාර්ය සාධක බලකායේ සභාපති පූජ්‍ය ගලගොඩඅත්තේ ඥාණසාර හිමියන්ගෙන් නෙත් නිවුස් කළ විමසීමකදී උන් වහන්සේ පැවසුවේ අද දිනයේ පැවැත්වෙන සාකච්ඡාවෙන් පසු ලබන සදුදා දිනයේ නිල වශයෙන් ප්‍රකාශයක් සිදු කිරීමට අපේක්‍ෂා කරන බවයි.
ශ්‍රී ලංකාව තුළ “එක රටක් - එක නීතියක්” ක්‍රියාත්මක කිරීම සම්බන්ධයෙන් අධ්‍යයනය කර ඒ සදහා පනත් කෙටුම්පත් සකස් කිරීම මෙම කාර්ය සාධක බලකායට පැවරී තිබෙන රාජකාරියයි.
