සංචාරක බටහිර ඉන්දීය කොදෙව් කණ්ඩායම සමග පැවැත්වෙන පළමු ටෙස්ට් ක්‍රිකට් තරගයේ වැඩි වාසි අත්කර ගැනීමට ශ්‍රී ලංකා කණ්ඩායම සමත්ව සිටිනවා.
ලකුණු 348 ක ජයග්‍රාහී ඉලක්කයක් හඹා යන කොදෙව් කණ්ඩායම අදුරු ආලෝක තත්ත්වය හේතුවෙන් අද තරගය නතර කරන විට කඩුළු 6 ක් දැවී ලකුණු 52 ක් ලබා අසීරු අඩියක පසු වුණා.
ශ්‍රී ලංකා කණ්ඩායම සිය දෙවන ඉනිම අද අත්හිටුවනු ලැබුවේ කඩුළු 4 කට ලකුණු 191 ක් ලබා සිටියදීයි. ශ්‍රී ලංකා පිල පළමු ඉනිම සදහා ලකුණු 386 ක් රැස් කළ අතර කොදෙව් පිල ඊට පිළිතුරු ලෙස ලබාගත්තේ ලකුණු 230 ක් පමණයි.
ඒ අනුව කොදෙව් කණ්ඩායම ජයග්‍රහණය සදහා තවත් ලකුණු 296 ක් රැස්කළ යුතු අතර ඔවුන්ට අතැතිව ඇත්තේ කඩුළු 4 ක් පමණයි. ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන මෙම තරගයේ හෙට අවසන් දිනයයි.
