සමාගම් දෙකම පාන් පිටි මිල වැඩි කරයි

තිරිගු පිටි මිල ඉහළ දැමූ බව තිරිගු පිටි ආනයනය කරන සමාගම් දෙකම පවසනවා. ප්‍රිමා සමාගම ඉකුත් සති අන්තයේ පැවසුවේ තිරිගු පිටි කිලෝග්‍රෑම් එකක මිල රුපියල් 17.50 කින් ඉහළ දමන බවයි. 

තම සමාගමද තිරිගු පිටි කිලෝවක මිල රුපියල් 17.50 කින් ඉහළ දැමූ බව සෙරන්ඩිබ් සමාගමද අද පැවසුවා. 

තිරිගු පිටි මිල වැඩි කිරීමත් සමග පාන් ගෙඩියක මිල රුපියල් 10 කින් හා සෙසු බේකරි නිෂ්පාදනවල මිල රුපියල් 5 කින් වැඩි කිරීමට බේකරි හිමියන් කටයුතු කර තිබෙනවා. 

එහෙත් එම බේකරි නිෂ්පාදන අළෙවිය අද දිනයේ පහල ගොස් තිබූ බවයි බේකරි හිමියන් පැවසුවේ.