ජාත්‍යන්තර ක්‍රිකට් කවුන්සිලය විසින් ප්‍රකාශයට පත්කරන ලද එක්දින කණ්ඩායම් ශ්‍රේණිගත කිරීමේ ලැයිස්තුවේ ශ්‍රී ලංකාව අටවන ස්ථානයට නම්කර තිබෙනවා. ශ්‍රී ලංකා පිලට හිමි ප්‍රසාද ලකුණු සංඛ්‍යාව 87ක්. නවතම එක්දින කණ්ඩායම් ශ්‍රේණිගත කිරීමේ ලැස්තුවේ ප්‍රථම ස්ථානය පකිස්තානයටත් දෙවන ස්ථානය ඔස්ටේ්‍රලියාවටත් හිමිව තිබෙනවා. ඉන්දියාවට හිමිව ඇත්තේ එහි තුන්වන ස්ථානයයි.
සිව්වන ස්ථානය නවසීලන්තයට හිමිව තිබෙනවා. එංගලන්තය පස්වන ස්ථානයේත් දකුණු අප්‍රිකාව හයවන ස්ථානයේත් පසුවන අතර බංග්ලාදේශය පසුවන්නේ හත්වන ස්ථානයේයි. ඇෆ්ගනිස්තානය නවවන ස්ථානයේ පසුවන අතර බටහිර ඉන්දීය කොදෙව්වන් දසවන ස්ථානයේ පසුවනවා. ඒ අනුව ආසියානු කුසලානයට එක්වන කණ්ඩායම් 03ක් ශ්‍රී ලංකාවට වඩා ඉදිරියෙන් ශ්‍රේණි ගත වී තිබෙනවා.
