යාපනය, ඌර්කාවතුරේ, පුලියන්කුඩාල් ප්‍රදේශයේ හින්දු කෝවිලක රන් පවුම් 68ක ස්වර්ණාභරණ හා රුපියල් ලක්ෂ 08ක මුදලක් අතුරුදන්වීමේ සිද්ධියක් සම්බන්ධයෙන් එම කෝවිලේ පූසාරිවරයෙකු පොලිසිය මඟින් අත්අඩංගුවට ගෙන තිබෙනවා.
සැකකරුගෙන් කළ ප්‍රශ්න කිරීම්වලදී සොරකම් කරන ලද ස්වර්ණාභරණවලින් රන් පවුම් 40ක පමණ ස්වර්ණාභරණ සොයාගෙන ඇති බවයි නෙත් නිවුස් වාර්තාකරු පැවසුවේ.
අනෙක් රන් භාණ්ඩ සැකකරු විසින් උකස් කර ඇති බවට ද තොරතුරු අනාවරණ වී තිබෙනවා.
සැකකරු විසින් සොරාගත් රුපියල් ලක්ෂ 08ක මුදල බැංකු ගිණුමක තැම්පත් කර ඇති බවටයි වැඩිදුරටත් අනාවරණවී ඇත්තේ.
අදාළ කෝවිලේ වාර්ෂික මංගල්‍යයේදී එකතු වූ මුදල් සහ රන් භාණ්ඩ සැකකරු විසින් එලෙස සොරාගෙන ඇති බව ද නෙත් නිවුස් වාර්තාකරු සඳහන් කළා.
