ඇමෙරිකා එක්සත් ජනපද නාවික හමුදාවට අයත් ‘යූ එස් එස් ස්ටොක්ඩේල්’ නෞකාව අද කොළඹ වරායට ළඟා වුණා.
ඒ, සැපයුම් හා සේවා අවශ්‍යතා සපුරා ගැනීමේ සංචාරයක් සඳහායි. කොළඹ වරායට ළඟා වූ එම නොෟකාව නාවික හමුදා සම්ප්‍රදායට අනුව පිළිගත් බවයි ශ්‍රී ලංකා නාවික හමුදාව පැවසුවේ.
එම නෞකාව දිගින් මීටර් 155යි දශම 3ක් වන අතර නැව් මුළුව තුන්සිය තිස් දෙදෙනෙකුගෙන් සමත්විත වන බවද ශ්‍රී ලංකා නාවික හමුදාව සඳහන් කළා.
සැපයුම් හා සේවා අවශ්‍යතා සපුරා ගැනීමෙන් අනතුරුව එම නෞකාව හෙට දිවයිනෙන් පිටත්ව යාමට නියමිතයි.
