පකිස්තානයේ ව්‍යාපාරික ප්‍රතිපත්ති උපදේශන වේදිකාව වන පාකිස්තාන ව්‍යාපාරික කවුන්සිලය පසුගිය සතියේ අනතුරු ඇඟවූයේ බහුජාතික සමාගම් කිහිපයක් ඔවුන්ගේ කාර්යාල රටෙන් වෙනත් ස්ථානයකට ගෙන යාමට සැලසුම් කරමින් සිටින බවයි.
එවැනි සමාගම් රැසක් මේ වනවිටත් රට හැර ගොස් ඇතැයි පාකිස්තාන ව්‍යාපාරික කවුන්සිලය පැවසුවා
ඩෝන් පුවත්පතට අනුව, ඩුබායි පදනම් කරගත් පකිස්ථාන ව්‍යාපාරවල නැගීම, දැනටමත් දරුණු විරැකියාව සහ මන්දගාමී ආර්ථික වර්ධනය සමඟ පොරබදමින් සිටින රටකින් වැඩෙන නික්මයාමක් ඉස්මතු කරයි.
දැනටමත් ලක්ෂ සංඛ්‍යාත පුහුණු සහ නුපුහුණු ශ්‍රමිකයින් පකිස්ථානය හැර ගොස් ඇති බැවින් තවත් මිලියන ගණනක් විදේශයන්හි අවස්ථා සොයමින් සිටින බව වාර්තා වේ.
පාකිස්තාන ව්‍යාපාරික කවුන්සිලය ප්‍රකාශයක් නිකුත් කරමින් කියා සිටියේ රට පුරා පුලුල්ව පැතිරුනු අන්තර්ජාල බාධා ඇති වන බැවින් බොහෝ බහුජාතික සමාගම් පකිස්ථානයෙන් ඔවුන්ගේ පසු කාර්යාල වෙනත් ස්ථානයකට ගෙන යාමට සැලසුම් කර ඇති බව හෝ දැනටමත් එසේ කර ඇති බවයි.
ව්‍යාපාරික ප්‍රතිපත්ති ආයතනයට අනුව, මෙම සංක්‍රමණයෙන් පිළිබිඹු වන්නේ පකිස්තාන රජයේ ආර්ථික ප්‍රතිපත්ති කෙරෙහි ගැඹුරු වන විශ්වාසයක් නොමැතිකමයි.
මෙම විශ්වාසනීය හිඟයට දායක වන ප්‍රධාන සාධක අතර ව්‍යාපාර කිරීමේ අධික පිරිවැය, දේශපාලන අවිනිශ්චිතතාවයන්, විදුලි පිරිවැය ඉහළ යාම සහ නීතිය හා සාමය පිරිහීම ඇතුළත් බව පාකිස්තාන ව්‍යාපාරික කවුන්සිලය සඳහන් කර තිබේ.
