ඔස්ට්‍රේලියාවේ සිඩ්නි නුවරදී මෝටර් රථයක ගමන් කරමින් සිටි කාන්තාවක් ඉලක්ක කරමින් එල්ල වූ පිහිඇනුමකින් පුද්ගලයන් 6 දෙනෙකු තුවාල ලබා තිබෙනවා.
එරට වේලාවෙන් අද අළුයම මෙම පිහි ඇණුම සිදුව ඇති අතර ඉන් පොලිස් නිලධාරියෙකු ඇතුළු සිව් දෙනෙකු තුවාල ලැබූ බවයි විදෙස් මාධ්‍ය වාර්තා කරන්නේ
මෝටර් රථයක ගමන් කරමින් සිටි 40 හැවිරිදි කාන්තාව ඉලක්ක කරමින් රථය පැදවූ පිරිමි පුද්ගලයා විසින් පිහි ඇනුම සිදුකර ඇති අතර
ඒ, සමග එම මෝටර් රථය තවත් මෝටර් රථයක ගැටී අනතුරකට ලක්වී තිබෙනවා.
පසුව එම ස්ථානයට පැමිණි පොලිසිය විසින් පිහි ප්‍රහාරය එල්ල කළ පුද්ගලයා අත්අඩංගුවට ගැනීමට යාමේදී එම පොලිස් නිලධාරියා ඇතුළු තවත් පුද්ගලයෙකුටද පිහි ප්‍රහාරයක් එල්ල කර ඇති බවයි විදෙස් මාධ්‍ය වාර්තා කරන්නේ.
අදාළ කාන්තාව බරපතළ තත්ත්වයේ පසුවන අතර සිදු වූ මෝටර් රථ අනතුරින් සෙසු පිරිස තුවාල ලබා තිබෙනවා
සිද්ධියෙන් පසු එම ස්ථානයෙන් පලා ගිය පුද්ගලයාව අත්අඩංගුවට ගෙන ඇති බවයි එරට පොලිසිය නිවේදනයක් නිකුත් කරමින් සඳහන් කර ඇත්තේ.
තවද සිද්ධිය සම්බන්ධව පොලිසිය නිවේදනය කර ඇත්තේ මේ වනවිට සිඩ්නි නගරයේ ජනතාවට කිසිදු තර්ජනයක් නොමැති බවයි.
