පකිස්තානයෙන් ආනයනය කෙරෙන සහල් සම්බන්ධයෙන් ජාත්‍යන්තරය තුළ දැඩි ගැටළු සහගත තත්ත්වයක් මතුව තිබෙනවා.
විශේෂයෙන් එම තත්ත්වය මතුව ඇත්තේ යුරෝපානු කලාපය තුළයි.
විදෙස් මාධ්‍ය පවසන පරිදි ජාත්‍යන්තර ආහාර වෙළඳ ප්‍රජාව තුළ පකිස්තානය සම්බන්ධයෙන් සැක මතුව ඇත්තේ කම්පන සහගත හෙළිදරව්වකින් අනතුරුවයි.
යුරෝපීය සංගමය මෑතකදී පකිස්ථානයෙන් කාබනික බාස්මතී සහල් නැව්ගත කිරීමේදී ජානමය වශයෙන් වෙනස් කරන ලද ජීවීන් GMO සිටින බව අනාවරණය කර තිබෙනවා.
මෙම සොයාගැනීම පකිස්ථානයේ කෘෂිකාර්මික අංශයේ තත්ත්ව පාලන ක්‍රියාමාර්ග පිළිබඳ බරපතල ප්‍රශ්න මතු කරනවා පමණක් නොව, ගෝලීය ආහාර සැපයුම් දාමයට, විශේෂයෙන් දැඩි GMO රෙගුලාසි ඇති කලාපවල සැලකිය යුතු තර්ජනයක් ද මතු කර ඇති බවයි පැවසෙන්නේ.
2024 ජුලි 31 වෙනිදා, EU බලධාරීන් පකිස්ථානයෙන් නෙදර්ලන්තය හරහා ආනයනය කරන ලද කාබනික බාස්මතී සහල් තොගයක සාම්පල ලබා ගත්තා.
2024 අගෝස්තු 2 වන දින EU Rapid Alert System for Food and Feed (RASFF) හරහා ප්‍රසිද්ධියට පත් කරන ලද ප්‍රතිඵල මගින්, එම සහල් නැව්ගත කිරීමේදී අනවසර GMOs ඇති බව තහවුරු වී තිබෙනවා.
එම සාම්පල ජර්මනියේ සහ ලක්සම්බර්ග්හි රජයේ රසායනාගාර වෙත ආපසු ගොස් ඇති අතර, ගැටලුවට සංකීර්ණතා ස්ථරයක් එක් කර ඇති බවයි වාර්තා වන්නේ.
