අමෙරිකාව තායිවානයේ ආරක්ෂාව සඳහා සිය කැපවීම නැවත අවධාරණය කර ඇති අතර, එහි ආත්මාරක්ෂක හැකියාවන් ඉහළ නැංවීම සඳහා තායිවානයට අත්‍යවශ්‍ය හමුදා උපකරණ සහ සේවාවන් සැපයීමට ප්‍රතිඥා දී තිබෙනවා.
ප්‍රජාතන්ත්‍රවාදී රටවල් දෙක අතර ආරක්ෂක සහයෝගීතාවයේ ගැඹුර ප්‍රදර්ශනය කරමින් ෆිලඩෙල්ෆියා හි ආරම්භ වූ වාර්ෂික එක්සත් ජනපද-තායිවාන ආරක්ෂක කර්මාන්ත සමුළුවේදී මෙම සහතිකය නැවත තහවුරු කරන ලද බවයි විදෙස් මාධ්‍ය පැවසුවේ.
එක්සත් ජනපද-තායිවාන ව්‍යාපාරික කවුන්සිලය විසින් සංවිධානය කරන ලද මෙම සම්මන්ත්‍රණය පැමිණෙන්නේ, තායිවානය ස්වයං-පාලන දිවයින බිඳී ගිය පළාතක් ලෙස සලකන චීනයෙන් වැඩිවන තර්ජනවලට මුහුණ දෙන තීරණාත්මක අවස්ථාවකයි.
තායිවාන සබඳතා පනත උපුටා දක්වමින් එක්සත් ජනපද රාජ්‍ය දෙපාර්තමේන්තුව අවධාරණය කළේ තායිවාන සමුද්‍ර සන්ධිය හරහා සාමය සහ ස්ථාවරත්වය පවත්වා ගැනීම සඳහා තායිවානයේ ආරක්ෂාව සහතික කිරීම ඉතා වැදගත් බවයි.
චීනයේ නැවත නැවතත් විරෝධය නොතකා, එක්සත් ජනපදය තායිවානයට තම ආයුධ අලෙවිය මෙහෙයවනු ලබන්නේ තායිවාන සබඳතා පනත සහ අනෙකුත් එක්සත් ජනපද නීති මගින් මිස චීනයෙන් එල්ල වන පීඩනයට බියෙන් නොවන බවයි රාජ්‍ය දෙපාර්තමේන්තුව පවසා ඇත්තේ.
