සංවිධානාත්මක අපරාධකරුවෙකු හා මහා පරිමාණ මත්ද්‍රව්‍ය ජාවාරම්කරුවෙකු වන “ආමි අසංක” නැමැත්තාගේ මත්ද්‍රව්‍ය ජාවාරම මෙහෙයවනු ලබන ප්‍රධාන ගෝලයෙකු අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකා නිලධාරීන් කණ්ඩායමක් විසින් තලංගම පොලිස් වසමේ බත්තරමුල්ල ප්‍රදේශයේ සිදුකල වැටලීමකදීයි.
අත්අඩංගුවට ගත් සැකකරු සන්තකව තිබී අයිස් මත්ද්‍රව්‍ය ග්‍රෑම් 01යි මිලි ග්‍රෑම් 500ක් ද සොයාගෙන තිබෙනවා.
මොහු මහනුවර ප්‍රදේශයේ පදිංචි වයස අවුරුදු 35ක පුද්ගලයක් බවටයි ආනාවරණ වී ඇත්තේ.
මොහු බන්ධනාගාරගතව සිට ඇප මත නිදහස්වී සිටින පුද්ගලයකු බවයි වැඩිදුර විමර්ශනවලදී අනාවරණය වී ඇත්තේ.
ඒ, සංවිධානාත්මක අපරාධකරුවෙකු හා මහා පරිමාණ මත්ද්‍රව්‍ය ජාවාරම්කරුවෙකු වන ආමි අසංක නැමැත්තා සමග මැගසින් බන්ධනාගාරයේ රාජකාරි කරනු ලබන ජේලර්වරයෙකුට තර්ජනය කිරීමේ සිද්ධියක් වීඩියෝ කිරිමට ආධාර අනුබල දීම සම්බන්ධවයි.
අත්අඩංගුවට ගත් සැකකරු වැඩිදුර විමර්ශන සඳහා තලංගම පොලිස් ස්ථානය වෙත භාරදුන් බවයි පොලිස් විශේෂ කාර්ය බලකාය පැවසුවේ.
