ලෝක ළමා දින සැමරුම නිමිත්තෙන් ඉමදුව දිසා රෝහලේ ඉදිවූ ළමා වාට්ටුව අද විවෘත කෙරෙනවා.
“නෙත් කෝකිල වසන්තය” වෙනුවෙන් ක්‍රියාත්මක වූ පූර්ව ප්‍රචාරක සේවාවෙන් උපයාගත් මුදල් හා අනුග්‍රාහක ආයතනයන්හි සහයෝගයෙන් මෙම රෝහලේ ළමා වාට්ටුව ඉදිකල බවයි ඉමදූව දිසා රෝහලේ දිස්ත්‍රික් වෛද්‍ය නිලධාරි තරංග ප්‍රසාද් මහතා පැවසුවේ.
ගාල්ල දිස්ත්‍රික් ලේකම් කාර්යාලය, ඉමදුව දිසා රෝහල, සුව මිතුරු කමිටුව හා ඉමදුව ප්‍රාදේශීය ලේකම් කාර්යාලය එක්ව මෙය සංවිධානය කරනු ලබනවා. ඊට මාධ්‍ය අනුග්‍රහය ලබා දෙන්නේ නෙත් එෆ් එම් රේඩියෝවයි.
