කොළඹ ජාත්‍යන්තර පොත් ප්‍රදර්ශනයේදී දරුවන් වෙනුවෙන් වැඩසටහන් රැසක් 

කොළඹ ජාත්‍යන්තර පොත් ප්‍රදර්ශනය භූමියේදී අද දිනයේ දරුවන් වෙනුවෙන් විශේෂ වැඩසටහන් රැසක් ක්‍රියාත්මක වන බව ශ්‍රී ලංකා පොත් ප්‍රකාශකයින්ගේ සංගමය පවසනවා.

කොළඹ බණ්ඩාරණායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ සිරිමාවෝ බණ්ඩාරනායක අනුස්මරණ ප්‍රදර්ශන මධ්‍යස්ථානයේදී අද පොත් ප්‍රදර්ශනය පැවැත්වෙන්නේ පස්වන දිනටයි.

කොළඹ ජාත්‍යන්තර පොත් ප්‍රදර්ශනය ලබන 06 වනදා දක්වා පෙරවරු 09.00 සිට රාත්‍රී 09.00 දක්වා පැවැත්වෙන බවයි ශ්‍රී ලංකා පොත් ප්‍රකාශකයින්ගේ සංගමයේ සභාපති සමන්ත ඉන්දීවර සමරසිංහ මහතා පැවසුවේ. 

කොළඹ ජාත්‍යන්තර පොත් ප්‍රදර්ශනය පැවැත්වෙන පරිශ්‍රයේ නෙත් එෆ් එම් කුටියේ ස්ථාපිත පොත් කැටය ද තවදුරටත් ක්‍රියාත්මකයි.

දුෂ්කර පාසල්වල ඉගෙනුම ලබන දරු දැරියන් වෙනුවෙන් සවියක් වීම සඳහා ඔබට ද පොත් පරිත්‍යාග කිරීමට අවස්ථාව පවතිනවා.