සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවෙකු වන විදේශගතව සිටින ලලිත් කන්නංගරගේ තවත් සමීපතමයෙකු පොලිස් විශේෂ කාර්ය බලකා නිලධාරීන් කණ්ඩායමක් විසින් අත්අඩංගුවට ගෙන තිබෙනවා.
“පුල්ලි” නැමැති අන්වර්ථ නාමයෙන් හඳුන්වන සැකකරු අත්අඩංගුවට ගෙන ඇත්තේ හංවැල්ල - හයිලෙවල් මාර්ගයේදීයි.
විශේෂ කාර්ය බලකාය ගෝනහේන කඳවුරේ නිලධාරීන්ට ලද තොරතුරකට මත සිදුකල වැටලීමකදී සැකකරු අත්අඩංගුවට ගෙන තිබෙනවා.
සැකකරු හංවැල්ල, තුන්නාන ප්‍රදේශයේ පදිංචිකරුවෙක්.
ඔහු සන්තකයේ තිබී කේරළ ගංජා ග්‍රෑම් 13යි මිලිග්‍රෑම් 650 ක් හා අයිස් මත්ද්‍රව්‍ය ග්‍රෑම් 01යි මිලිග්‍රෑම් 400 ක් ද සොයාගෙන තිබෙනවා.
සැකකරු වැඩිදුර විමර්ශන කටයුතු සඳහා හංවැල්ල පොලිස් ස්ථානය වෙත භාරදුන් බවයි පොලිස් විශේෂ කාර්ය බලකාය පැවසුවේ.
සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවෙකු වන විදේශගතව සිටින ලලිත් කන්නංගරගේ තවත් සමීපතමයන් කිහිප දෙනෙකු අවි ආයුධ සහ මත්ද්‍රව්‍ය සමඟ මීට පෙරද අත්අඩංගුවට ගනු ලැබුවා.
