පුරාවස්තු සොයා කැනීම් කළ පුද්ගලයෙක් මැල්සිරිපුරදී අත්අඩංගුවට

මැල්සිරිපුර, හැවනතැන්න ප්‍රදේශයේ පුරාවස්තු සොයා කැනීම් සිදුකරමින් සිටි පුද්ගලයෙකු අත්අඩංගුවට ගෙන තිබෙනවා. 

ඒ, මැල්සිරිපුර පොලිස් ස්ථානයේ නිලධාරින්ට ලද තොරතුරක් මත සිදුකල වැටලීමකදීයි. 

කැනීම් සඳහා යොදාගත් උපකරණ, ජෙලට් නයිට් කූරු 04 ක්, ඩෙටනේටර් කැප් 04 ක්, සේවා නූලක් සහ රසායනික ද්‍රව්‍ය ග්‍රෑම් 25 ක් ද පොලිසිය විසින් සොයාගෙන තිබෙනවා. 

අත්අඩංගුවට ගත් සැකකරු මැල්සිරිපුර ප්‍රදේශයේ පදිංචිකරුවෙකු බවයි පොලිසිය වැඩිදුරටත් පැවසුවේ.