සංචාරක ශ්‍රී ලංකා කණ්ඩායම සහ සිම්බාබ්වේ කණ්ඩායම අතර පළමු ටෙස්ට් ක්‍රිකට් තරගය හරාරේ හිදී අද ආරම්භ වනවා.
ශ්‍රී ලංකා වේලාවෙන් පස්වරු 1.30ට පමණ තරගය ආරම්භ වීමට නියමිතයි.
මෙම තරගයේදී ශ්‍රී ලංකා කණ්ඩායමේ නායකත්වය දරන්නේ රංගන හේරත්.
ඒ, නිත්‍ය නායක ඇන්ජලෝ මැතිව්ස් ආබාධයකට ලක්ව සිටීම හේතුවෙන්.
කණ්ඩායමේ සිටින අනෙක් ජ්‍යෙෂ්ඨතම පිතිකරුවෙකු වන දිනේෂ් චන්දිමාල් ද ආබාධයකට ලක්ව සිටීම හේතුවෙන් මෙම ටෙස්ට් තරගාවලියට සහභාගි වන්නේ නැහැ.
ඒ අනුව ශ්‍රී ලංකා කණ්ඩායම අද තරගයට පිවිසෙන්නේ යොවුන් ක්‍රීඩකයින් රැසක් සමගයි.
අවසන් වරට ශ්‍රී ලංකා කණ්ඩායමක් සිම්බාබ්වේ හිදී ටෙස්ට් තරගාවලියකට සහභාගි වී ඇත්තේ 2004 වසරේදීයි.
එම තරගාවලියට සහභාගිවූ කිසිදු ක්‍රීඩකයෙක් මෙවර ශ්‍රී ලංකා කණ්ඩායම නියෝජනය නොකිරීම ද විශේෂත්වයක්.
