එංගලන්ත කණ්ඩායමට එරෙහිව ලද ඓතිහාසික ජයග‍්‍රහණයට බලපෑ හේතු පිළිබඳ බංග්ලාදේශ කි‍්‍රකට් කණ්ඩායමේ පුහුණුකරු චන්දික හතුරුසිංහ පළමු වරට මාධ්‍යයට අනාවරණ කර තිබෙනවා.
හතුරුසිංහ පවසා ඇත්තේ එංගලන්ත දෙවන ඉනිම කි‍්‍රයාත්මක වෙමින් තිබූ අවස්ථාවේ තේ පානය සඳහා තරගය නතර කළ විට තමන් ක‍්‍රීඩකයින් සමග විශේෂ සාකච්ඡාවක නිරත වූ බවයි.
කිසියම් හෝ විශේෂ දෙයක් සිදුකිරීමට ක‍්‍රීඩකයින් පෙළඹ වූ බවද ඔහු ප‍්‍රකාශ කර තිබෙනවා. ජ්‍යෙෂ්ඨ ක‍්‍රීඩකයින්ට තරගයේ වැඩි වගකීම් පැවරූ බවද හතුරුසිංහ සඳහන් කළා.
පසුව පන්දුවාර 22යි පන්දු 2ක් තුළ එංගලන්ත කණ්ඩායමේ කඩුලු 10ම දවාගෙන තරගය ජයගැනීමට බංග්ලාදේශය සමත් වුණා. එය එංගලන්තයට එරෙහිව බංග්ලාදේශය ලැබූ පළමු ටෙස්ට් ක‍්‍රිකට් ජයග‍්‍රහණයයි.
