දිවයිනේ ප්‍රදේශ කිහිපයක හමා ගිය දැඩි සුළං තත්ත්වයක් හේතුවෙන් නිවාස හා දේපළවලට හානි සිදුව තිබෙනවා.
නාත්තන්ඩිය නගරය හරහා හමා ගිය සුළඟකින් නිවාස 09 කට සහ විදුලි පහන් කණු 07 කට හානි සිදුවී මාරවිල – නාත්තන්ඩිය මාර්ග‍යේ ගමනා ගමන කටයුතුවලට බාධා එල්ලවී තිබුණා.
පුත්තලම ආපදා කළමණාකරන ඒකකය සඳහන් කළේ අද (10) පෙරවරු 7.00 ට පමණ පැවති වැසි සහිත සුළං තත්ත්වය සමග මෙම හානි සිදු වූ බවයි.
මේ අතර මධ්‍යම කඳුකරයේ බටහිර බෑවුම් ප‍්‍රදේශවලට ඊයේ (09) පස්වරුවේ සිට ඇදහැලෙන අධික වැසි සහ සුළං හේතුවෙන් නිවාස කිහිපයකට අලාභහානි සිදුවුණා. නෙත් නිවුස් වාර්තාකරු පැවසුවේ ගිනිගත්හේන, අඹගමුව ප්රදේශයේ නිවාස 03 කට මෙලෙස අලාභ හානි සිදුව ඇති බවයි.
නාත්තන්ඩිය ප්රදේශයේ ඡායාරූප …..
ගිනිගත්හේන ප්රදේශයේ ඡායාරූප…
