නෙත් නිවුස් යූ ආර් අ ලීඩර් වැඩසටහන පැවැත්වෙන්නේ නායකත්ව පුහුණු හා පෞර්ෂ සංවර්ධන වැඩසටහනක් ලෙසයි.
එහෙත් අද (26) ගාල්ල හපුගල විද්‍යාලයට ක්‍රිකට් ක්‍රීඩාව ආරම්භ කිරීම සඳහා ක්‍රිකට් උපකරණ පිරිනමමින් සමාජ සත්කාර වැඩසටහනක ද ‘නෙත් නිවුස් යූ ආර් අ ලීඩර්’ කණ්ඩායම නිරත වුණා.
මෙතෙක් පාසලට අඩුවක්ව පැවති ක්‍රිකට් උපකරණ ඔවුන්ට ලබාදෙනු ලැබුවේ අනාගත ක්‍රිකට් තරු ගාල්ල හපුගල විද්‍යාලයෙන් බිහිවීම පමණක් අරමුණු කරගෙන නොවේ.
වරප්‍රසාද ඇති පාසැල්වල දරුවන් සමග උරෙන් උර ගැටීමට ඔවුන්ට ද ශක්තිය ලබාදීමේ පරම අභිප්‍රාය ඇතිවයි.
නොසිතූ ලෙස තමන්ට ලැබුණු මේ ක්‍රිකට් උපකරණ දුටු පාසලේ දරුවන් මහත් සතුටකින් සිටිනු දක්නට ලැබුණා.
ඔවුන්ගේ එම සතුට තුළින් මතුවූ අනාගත අරමුණු ද ඒ මුහුණුවල දක්නට ලැබුණා.
ඒ,කවදා හෝ අභියෝගයක් එල්ල කරනු ලබන ක්‍රීඩකයන් වන ඒකායන අරමුණයි.
ඔවුන්ගේ අහිංසක අරමුණු යම් දිනෙක ඉටුවන්නේ ද එය නෙත් නිවුස් යූ ආර් අ ලීඩර් වැඩසටහනේ ද අරමුණු ඉටුවීමක් වනු ඇති.
එම අවස්ථාවට නෙත් නිවුස් කළමනාකරු හේමන්ත කහවලගේ ද එක්ව සිටියා.
ගාල්ල හපුගල විද්‍යාලයේ ක්‍රිකට් ක්‍රීඩාව ආරම්භ කිරීම සංකේතවත් කරමින් එම විද්‍යාලයීය කණ්ඩායමක් සහ නෙත් එෆ් එම් කණ්ඩායමක් අතර ප්‍රදර්ශන ක්‍රිකට් තරගයක් ද අද පැවැත්වුණා.
මේ අතර නෙත් නිවුස් යූ ආර් අ ලීඩර් මීළඟ නායකත්ව පුහුණු හා පෞර්ෂ සංවර්ධන වැඩසටහන තෙලිජ්ජවිල රාජකීය විද්‍යාලයේ දී හෙට (27)ආරම්භ වීමට නියමිතයි.
